同白雲一樣同屬港姐出身、曾拍過劇集《愛‧回家》嘅劉溫馨，今晚都有去飲好姊妹同前港男江俊霖結婚呢餐，仲接到花球添，但佢就話唔係刻意去搶嘅:「我冇去搶0架，所有姊妹都冇郁過，個花球從天而降。」下一個新娘子係咪你呢？劉溫馨謂:「唔知喎，啲姊妹話接到花球一年內會結婚，可能係佢本人意外啦。我本人就冇諗過，亦都唔會閃婚。因為結婚係好大件事，係兩個家庭嘅事。」

咁依家有冇拍緊拖？劉溫馨似想認又唔敢認，有啲曖昧。咁有冇同男朋友計劃下？佢反問:「下？我事業為重，未諗過結婚。」唔心急？「唔係唔急，每一個女仔都有佢嘅夢想，夢想自己嘅婚禮，今日見佢哋都好Sweet，但我就想拍多啲劇先，因為事業先至啱啱起步。」