【自家防疫秘方】鄺美雲以精油搽鼻孔殺菌 呼籲勤洗手瞓多啲
蘋果日報 2020/01/26 16:31
探訪老人黃大仙疫情鄺美雲
（攝影：陳俊強）- 鄺美雲今日在場派利是。
- 鄺美雲稱自己不愛戴口罩，但會增強個人抵抗力來抗疫。
- 莫家淦、王致狄、阮兒與友衛志豪今日都有向一班老人家拜年同樂。
- 衛志豪見到香港再現疫情，憶起2003年沙士時的情形，感到十分無奈。
鄺美雲今日率領莫家淦、阮兒與男友衛志豪、王致狄在黃大仙進行探訪老人的活動，由於新型冠狀病毒疫情嚴峻，院長要求探訪過程一切從簡，不過鄺美雲全程未有戴口罩，向長者派發風褸和生果，她說：「其實老人家好希望我嚟，我預咗今日你同佢哋拜年，每年我哋都會有表演，我啲狗仔都會表演，又會同老人家玩遊戲，但係院長叫我哋一切從簡。」她指休息、多飲水、遠離人多的地方是最重要。
問到今個農曆年的團拜有否因疫情已取消？鄺美雲說：「照舊，大家都會有衛生意識。我想同大家分享，但我未知係咪，但應該係得，就係有話麻油或者精油搽喺鼻孔可以殺菌。」問她有沒有買口罩？鄺美雲說：「我覺得唔好自己買晒，夠用就好喇，留返畀有需要嘅入去買，其實我比較少用口罩，因為我覺得好焗，所以我會用精油，最緊要係勤洗手、衛生意識，同埋瞓多啲，增強抵抗力，心情亦都好重要，唔好成日諗啲唔開心嘅嘢，好多事都要隨緣，唔好諗到咁差，應該一切會好。」
至於其他藝員對住長者時則有戴口罩，衛志豪說：「我諗起2003年沙士，我仲係做緊主播，大家當時都帶住口罩，仲要有咪套，嗰種無奈又返番嚟，我去超市買口罩，見貨架吉晒，好無奈。」莫家淦表示因家中有小朋友，所以今年都有取消家庭團拜。王致狄指自己剛由東京回港，他說：「我都買咗兩盒口罩返嚟，我都見有香港人去買，當時都仲未有限購。」問到疫情有否影響工作？莫家淦說：「原本2月我會去北京拍一個綜藝節目，但而家應該有機會取消。」
採訪：黃曉妍
攝影：陳俊強、馮嘉銘
攝影：陳俊強、馮嘉銘