【新增內容】
第60屆格林美頒獎禮（Grammy Awards）喺香港時間今日假紐約舉行，今年盛會又係星光熠熠，百變天后Lady GaGa先以黑色Lace大玩透視效果，而為響應荷李活受性侵女性嘅「Time’s Up」活動，GaGa及其他嘉賓在紅地毯上也有扣上白玫瑰襟花以示支持。

GaGa於今屆格林美有份角逐最佳流行個人演出、最佳流行專輯，而舉行期間亦為大會站台表演，唱出《Joanne》同埋《Million Reasons》，仲有用巨型羽毛嘅鋼琴自彈自唱，更獲Mark Ronson結他伴奏。

不過，GaGa嘅專輯《Joanne》未能跑出，最佳流行專輯由未有到場嘅英國樂壇才子Ed Sheeran專輯《÷》贏得殊榮。至於另一獎項，同樣由Ed Sheeran嘅《Shape of You》亦捧走最佳流行個人演出獎，令GaGa連輸兩獎。

雖然典禮中不斷強調「Time's Up」、「#ＭeToo」，但今年嘅得獎名單就完全相反，全數獎項除咗最佳新人，其餘得獎人全部都係男性，尤其是最佳流行演出獎中，獲獎嘅Ed Sheeran更係入圍者唯一男性，然而呼聲極高嘅入圍者Kesha卻失落大獎，事後觀眾就批評格林美獎只係攞女權做宣傳，骨子裡都係男性當道。

Ed Sheeran之所以成為箭靶，全因以《Praying》重獲新生嘅Kesha，經歷過性侵官司，觀眾都指佢係「以生命作曲」，最後卻輸俾Ed嘅《Shape of You》，引發網友熱議，有人認為在典禮中獻唱反性侵嘅Kesha被格林美利用，Ed因此都成為被指罵對象。

精選娛聞，喺晒《娛果》
http://fb.com/appledailyent