當年今日
關於我們

美麗在望:
狂擦低卡甜品肥膏Go!

蘋果日報 2005/03/30 00:00


叫你唔食甜品得唔得?十個女仔有九個都會即時抗議!即使正在減肥中,可能都會寧願唔食飯,留番個位食甜品;就算食飽飯,個個都話自己有第二個胃專載甜品!又怕肥、又要食,即睇營養師教你點樣狂擦甜品都唔怕肥!

記者:馬靜兒 攝影:陳陶鈞 Model:Va
鳴謝:米施洛營養中心王嘉茜營養師(28902798) 
女仔對甜品和靚衫都是一樣,天生無法拒絕。既然無女仔可以抗拒甜品的誘惑,就要食得聰明一點,搞清楚致肥原因,對症下藥。
empty
■用代糖取代白糖和糖水,卡路里只是白糖的五分一。
empty
■營養師王嘉茜說自製甜品,熱量較易控制。
減熱量唔怕肥
營養師王嘉茜分析:「甜品致肥,原因好簡單,因為甜品所含的碳水化合物、脂肪和蛋白質帶來高熱量所致。只要選取適當的代替品就可以減低熱量,如用代糖或水果代替白糖、用脫脂奶代替全脂奶、以蛋白代替蛋黃,每樣都減低一點卡路里,總熱量就自然減低很多,變相可以食多啲都唔怕肥。」營養師還建議,做曲奇餅可用蘋果茸代替牛油,做蛋糕就可以用乾果代替白糖。如果你習慣飯後食甜品,那麼正餐就要食少一點;而食蛋糕時,就最好將面層忌廉棄掉。
三大致肥元兇
白糖
甜品因為有糖份所以味道甜美,但大部份甜品所用的白糖熱量都很高,因為1茶匙白糖就含20卡路里。解決方法是改用代糖,3茶匙的代糖已有1茶匙白糖的甜度,但只有4卡路里,熱量只是白糖的5。如果自製甜品時,更可用乾果代替白糖,由於乾果含維他命C和纖維,相對而言較健康。
蛋黃
蛋黃有55卡路里,而且含有膽固醇,蛋白僅17卡路里,熱量不足蛋黃的一半,所以食蛋白比蛋黃健康得多。
empty
■如果自己做蛋糕,不妨以乾果代替白糖。
empty
全脂奶
一杯全脂奶有150卡路里,但一杯脫脂奶只有80卡路里。所以自製蛋糕時,可以用脫脂奶代替全脂奶。
empty
想瘦有數計
營養師指出,女性每日需攝入1,400至1,600卡路里,男性就需攝入1,800至2,200卡路里,扣除三餐正餐,理論上每人進食的甜品量不可多於每日所需卡路里的10%,即女士最多可以吃160卡路里,男士最多可以吃220卡路里。不過,通常食店裏一客甜品一般都有200-300卡路里,一個唔覺意好易爆Quota。
十大低卡甜品
甜品雖然致肥陷阱處處,但不代表要全部禁食。不過出街食由於難以知道材料和份量,所以好難控制,反而返屋企自家製就可以諗諗計!左減一點,右減一點,熱量有數得計。
empty
無糖啫喱10kcal
大型超市有無糖啫喱粉出售,自製啫喱無問題。
empty
雪葩20kcal
以水果雪成冰粒,再以攪拌機攪成雪葩,不另加糖。
empty
鮮果涼粉40kcal
涼粉屬低熱量,配以奇異果、西瓜等水果一齊食,以甜味的水果代替糖水,食多了都無問題。
empty
西瓜汁西米露90kcal
以西瓜水做汁底,加西米和奇異果等低卡路里的水果就最健康。
empty
木瓜燉雪耳95kcal
木瓜有甜味,將平日慣用的冰糖改做代糖就可以。
empty
綠豆沙100kcal
只要用代糖取替白糖就OK!
empty
湯圓100kcal
棄用芝麻、蓮蓉等高熱量餡料,以栗子茸代替,或改做無餡湯圓。薑汁糖水則可換以代糖取替片糖。
empty
豆腐花100kcal
不加糖水,不加黃糖,只以少許代糖調味。
empty
薑汁燉蛋白鮮奶 135kcal
用脫脂奶和薑汁,加上低熱量的蛋白製造,熱量不會太高。
empty
喳咋135kcal
喳咋用的是豆類,記得自製時不要加椰汁。
empty
唔係嘛!咁鬼肥!
有些甜品表面好似無忌廉、無脂肪,令人錯覺食多啲都冇有怕,但其實好肥,食咗小蠻腰變水泡腰。
1.FatFree雪糕熱量低?
250-300kcal
別以為FatFree雪糕不會致肥,為了令雪糕口感幼滑,坊間通常不是加奶就加糖,做出幼滑口感。記住!雪糕愈滑愈肥。
empty
錯!
2.椰汁西米露唔怕肥? 
200kcal
西米雖然熱量低,但碰上含88%飽和脂肪的椰汁,它就是致肥元兇。
empty
錯!
3.Tiramisu
400kcal
一杯Tiramisu內足足有12茶匙忌廉,肥死!
empty
4.合桃露 
300kcal
合桃含的雖然是不飽和脂肪,有助降低膽固醇,但熱量強勁。
empty
5.白果腐竹糖水
300kcal
因為腐竹經過油炸,所以脂肪含量大大提升。此外,由於冰糖所含熱量高,令一碗望落「清清哋」的糖水,熱量驚人。
empty