有讀者投訴八達通卡愈來愈不耐用，剛購買的八達通卡，不足兩個月即極速爆開失效。
讀者陳先生不滿，現時的八達通卡質素，未如剛推出時耐用。他說：「我貪八達通夠方便，唔使帶定『散銀』搭車，所以五、六年前就開始買嚟用，出入靠佢外，後尾去便利店買嘢都用佢嚟畀錢。但因為用咗咁多年，大約兩個月前，張卡開始有少少爆開，於是換過佢！」

未能有效感應

他說：「張自動增值新卡，我都係照常擺入銀包，放入褲後袋嚟用，點知用咗唔夠兩個月，張新卡畀錢時，成日感應唔到，到後期直情壞埋。打開銀包一睇，原來張新卡已經爆開晒，仲嚴重過張舊卡。有乜理由𠵱家啲新卡咁唔㩒用，仲衰過以前嗰張！」
八達通卡有限公司函覆本報稱，正常情況下，八達通卡的使用壽命可超過10年，不易爆裂或損毀。而陳先生之情況，公司方面已和其聯絡，並正在跟進事件及盡量提供協助。
若八達通卡失效，市民可通過地鐵或九鐵之票務處或客務中心，交回八達通卡公司查核。如問題非由人為過失或蓄意損毀造成，租用版或個人八達通卡，將按個別情況考慮，豁免有關費用；銷售版八達通卡如在保用期內，則會獲重發同款新卡或產品。至於卡內如仍有餘額，則會獲安排退回。
檔案編號0807083