今晚港姐總決賽「驚喜重重」，令人以為自己睇錯台播緊遊戲節目……

今晚港姐已經冇得民選投票，取而代之係由評判俾分，又有網民俾心心咁，就連考驗智慧同身材嘅問答環節都摸不著頭腦，例如「草蜢開演唱會你想佢以乜嘢新造型出現？」、「如果人類可以生多個器官，你想加乜嘢？」、「你鍾意食飯定意粉？」、「如果揀一種動物做港姐吉祥物你會揀咩？」

「黑人問號」無處不在。

而有份睇嘅就有坐第一行掌管綜藝科嘅高層余詠珊，雖然唔知佢係咪都聽到成頭問號，不過就見到佢包實隻右腳，據知，原來佢喺港姐總決賽開騷前喺電視城canteen跌親，不過佢包紮後都唔肯返去休息，繼續坐第一行睇騷。