嚟吓一個基斯普，嚟吓一個伊巴，遲啲仲可能嚟埋「老細」莫拉堤個契仔朗拿度，國米前鋒馬田斯真係企都冇位企，難怪佢日前訓練時突然喊咗出嚟。
國米周二照常訓練，當新加盟嘅伊巴同基斯普參加訓練賽嗰陣，場邊嘅馬田斯居然無端端流「馬尿」，有傳媒猜測馬田斯係因為知道自己喺國米時日無多，一時感觸先流下英雄淚啫！聽落又啱噃！今夏的確有好多球會想要馬田斯，例如英超嘅「老樸」、熱刺、紐卡素同埋西甲嘅「華倫」。

隨時冇得過檔紐記

不過，求大俠點都唔信馬田斯對國米有咁深感情。聽講周二有英國傳媒踢爆21歲嘅馬田斯年齡報細成7年；於是紐卡素即刻要求國米降低轉會費，單轉會分分鐘就咁冇咗，你話馬田斯點會唔喊呢？
其實，非洲球員虛報年齡早已唔係新聞，班球員亦做足「保密」功夫，咁今次馬田斯點會穿崩呢？原來，紐卡素後衞巴巴耶路同馬田斯曾經一齊服役於尼日利亞青年軍，巴巴耶路今年28歲零14日，馬田斯又點會得嗰21歲呢？
紐卡素亦好君真，話明仲想簽馬田斯，不過就希望國米降低1,000萬鎊（約1億5千萬港元）嘅轉會費。馬田斯走唔走得成就睇國米喇！
「馬田斯呢個「7年之癢」最後搞到流馬尿收場，??家去唔去到英超踢波仲未知，不過馬田斯??家一定好後悔當年虛報年齡。呢件事亦提醒大家：呢個世界係冇永遠秘密嘅