影帝梁朝偉90年演出過王家衛執導電影《阿飛正傳》後，兩人一直合作無間，到98年偉仔正式簽約王家衛旗下澤東電影公司。不過，上星期五偉仔突然通知傳媒，話佢同合作20年嘅澤東已經約滿，並結束經理人關係，目前經理人工作會交由太太劉嘉玲暫代。(相關新聞： https://bit.ly/2yERbGo )

其實偉仔工作之餘都喜歡享受生活，雖然佢唔似老婆咁經常行山，但偉仔就好喜歡上山下海，除咗上山滑雪之外，原來仲喜歡滑水做「沙灘小子」。今日中午時份嘉玲就喺微博貼咗偉仔一張背影嘅相，留言話:「Surfing day」相中偉仔喺沙灘攞住塊滑水板，天朗氣清，難怪偉仔會揀咁好天氣嚟玩滑水。雖然喜玲冇喺相中出現，但估計佢都有陪偉仔一齊，仲做埋攝影師幫老公影相㖭。

精選娛聞，喺晒《娛果》 http://fb.com/appledailyent