當年今日

方力申怕睇林嘉欣新片

蘋果日報 2002/03/30 00:00


方力申昨日往杏花新城為超速搖搖活動擔任嘉賓,對於與他傳緋聞的林嘉欣近期又有電影上畫,問他會否捧對方主演的《異度空間》場,方力申笑說:「我平時好少睇戲,冇乜時間,況且我驚睇恐怖片,笑片都會睇吓嘅。」
方力申暗示不會捧嘉欣場,未知他是否仍為緋聞而感不開心,他則說:「唔會,我同佢唔係好熟,見到面只係sayhi嘅朋友。」

示範玩搖搖
昨日方力申在活動上亦有示範玩搖搖,作為搖搖大使的他也算技術不俗,而方力申則稱自己最想做防止自殺大使,他說:「我身邊有啲朋友,近年因為一啲惡疾相繼離開,但我啲朋友仍然積極對抗病魔,樂觀面對,睇到啲新聞報道有人自殺,就會覺得好可惜,希望自己能夠幫到呢啲人啦。」