根據錄音,林鄭講到反送中抗爭影響到佢日常生活,呢個時候佢把聲有啲激動,話外出困難,冇得行街,冇得去商場同髮型屋,因為外出一定俾連登仔公開行蹤,又或俾人放上Telegram,到時必有一大班身穿黑衣、戴黑色口罩嘅後生仔等佢。而噚日林鄭一早開行會見記者,八方特別留意佢嘅髮型,同以往比較又真係有啲亂,兩鬢現白髮,唔知同冇得去髮型屋有冇關?
八方不禁想起好多網民、市民都話,見到香港今時今日局勢,都冇晒心機行街買嘢消費,成日只係關心街上面後生仔女安全,點解林鄭可以有心情諗住shopping同去髮型屋?
李八方