又到月尾爽報「爽組合」淘汰參賽者時候，昨天收市計，被高登仔稱為「明燈」嘅訊匯證券行政總裁沈大師組合升6.97%，排包尾，成為出局大熱，護級邊緣嘅財經主播梁心欣則升9.01%。

今日沈大師組合內嘅窩輪暫時跌多升少，其中平安購證（24526）跌25%；恆指牛證（68732）跌21%，出局味甚濃。不過重貨嘅銀娛（027）升2%；友邦保險（1299）升0.9%。梁心欣重貨嘅敏華（1999）微升0.1%。

距離收市約15分鐘，未到收市未知邊個出局，網民食花睇大師出局食到喉嚨痛都未見到，想知下個月大師仲有冇得玩？下個星期一拎份爽報啦！