趙飛雲極少抽新股，但每逢有大型新股上市都要為人作嫁衣裳，為親朋好友周圍撲表格及代填申請表，其實有關申請可以使些少錢便可託經紀行代辦，不過面對人家話：「你辦事，我放心」，無法可推。
昨日去到工銀（349）一間分行攞表，有位師奶在開戶口，並向職員查詢是否有戶口在工銀，抽中工行（1398）的機會大些？職員答並無優惠，大家機會都是一樣，師奶即以懷疑的口脗話：「唔係先照顧自己人咩？咁我唔開戶口啦。」其實每當有大型新股上市掀起認購熱潮時，都經常遇到有趣的事，而每一次新股熱潮掀起，都會為股市增添一班生力軍。

工行招股　市況轉靜

工行招股首日，港股當堂降溫。雖然昨日日股向好，破旗而上，升上4個多月的高位，但港股高開後回吐約百點，最後仍重返18000之上收市，升21點。形勢上，好友仍控制大局，但可能是工行上市資金開始抽緊，只能維持大市偏穩局面。
高寶（274）昨開市即跌穿0.80元的止蝕位，在0.78元沽出計數，倉內現時只剩下兩隻股票。昨日太A（019）曾跌穿84元計數位，但尾市彈回84.15元收市，故仍繼續持有。過去兩個月，太A的好淡角力非常激烈，大股東近期頻頻增持，似有動作跟尾，但部份大行則沽得頗狠。
昨日高盛出報告唱淡太A，將目標價降至76元。暫時唔知好淡哪一方會贏，但太A若收市前未能重返84元或之上，就會按原定部署計數。
趙飛雲