講開轉倉馬，唔係落井下石，響Almond李易達出嚟嘅，已畀馬迷視為寶藏所在。例如：「文武精神」、「心路」、「私家路」、「皇仁勁駒」、「皇仁威龍」、「太陽好好」、「傾力之城」、「紅運福星」，全部都喺轉倉後升呢。雖然Almond都有「鐳射槍」、「普道馗」轉去佢度贏，但比數無疑係相差一大截。

聽晚高廐「故園情」將出戰第四場五班1800；同主「荊山玉」以往響李廐七捷，但過去已成過去。馬主故園情團體打正旗號嘅「故園情」上場已經輸近咗好多，高伯新又可否化腐朽為神奇，令呢匹馬成為最新寶藏呢？