陳慧琳
今年44歲嘅陳慧琳(Kelly)有「點心之母」嘅稱號，皆因佢兩位囝囝叫蝦餃仔(劉昇)同小籠包(劉琛)。Kelly分別喺09年及12年誕為老公劉建浩誕下蝦餃仔及小籠包，產後Kelly身材依然Keep得咁Fit，43吋長腿仍然喺到。

Jessica C.
今年28歲嘅Jessica C以34 C「警鐘胸」聞名，本年3月為安志杰誕下B女，產後JC嘅警鐘胸冇走樣不特止，而仲由「警鐘」升Cup為「籃球」。本年6月出席活動時，佢着旗袍現身，上圍更加玲瓏浮突。

陳爽
今年33歲嘅陳爽身材fit爆，笑容甜蜜，好多男士都無法招架。陳爽14年為老公梁梓軒誕下囝囝Adrian，喺今年10月宣佈陀B囡6個月。即使係陀住B囡，陳爽身材冇走樣，今年5月仲喺微博上晒噴血泳衣照，真係令好多女士葡萄。

周汶錡
今年42歲嘅周汶錡(Kathy)舊年7月為法籍靚仔老公誕下混血囝囝Jacques，Kathy
本月透過公關公司宣佈懷孕5個月，恭喜恭喜！極速收身嘅Kathy喺今年4月金像獎行紅地毯時，更以一襲肉色透視長裙出場行「股惑」，果然Model底子係唔講得笑！