陳浩民早前宣佈太太蔣麗莎第四度懷孕，還以為他五年抱四最勤力，但原來一山還有一山高！34歲陳茵媺（Amiee）跟44歲陳豪結婚才兩年多，已三度懷孕，前年12月產下大仔Aiden陳梓燁的Amiee，今年2月再誕下二仔Nathan陳浩鋒，原以為她月前約滿無綫後全力湊B，但原來她又準備生第三胎，三年抱三，生產力極度驚人。

昨日Amiee穿上低胸晚裝襯五吋高踭鞋出席在九龍環球貿易廣場舉行的ASHOKA鑽飾品牌活動，身上佩戴過億鑽飾，閃爆全場，但最「爆」的，還是她宣佈第三度懷孕消息。Amiee昨上落台時均由前經理人嘉莉小心扶實，記者問她老公可有送她甚麼貴重禮物時，Amiee笑指兩個兒子，並大爆：「嚟緊就會有第三個！呢份係一份最大嘅禮物。有咗喇！三個半月！未知仔定女，仔女冇所謂，最緊要健康。」

昨見Amiee腰肢圓潤，但未覺她肚凸凸。Amiee指今次懷孕並非意外，自言跟老公都有共識生三個小朋友，並有預感今胎也是囝囝，她說：「因為阿Mo（陳豪）嗰邊都係三兄弟，我自己都有細佬，仔女都冇所謂，都係嗰句，好開心！」記者指她三年抱三豈非很辛苦時，Amiee表現輕鬆說：「屋企已經有兩個小王子，加埋阿Mo有三個小王子，所以知道點照顧，多一個都冇問題。」

三度懷孕的Amiee，不但不會推工作安胎，還揚言會繼續出席商場活動賺奶粉錢。Amiee今年8月舉家到蘇梅旅行，至上月到大馬與杜汶澤拍攝電影《開飯喇！》，當時又跑又拍通宵的她還未知道懷孕，直至拍攝返港後才獲悉。問BB會否在蘇梅製造？Amiee表示未敢肯定，並說：「其實我同阿Mo係plan咗要三個小朋友，三個夠喇，四個太攰，而且我自己想繼續演戲。」

密密造密密生的陳豪，昨日透過WhatsApp回應本報說：「I'mratherhappytosharethisjoyfulnewsofourstothepublic.（我很開心可以向大家宣佈喜訊）」記者笑指他「好勁」，陳豪即鬼馬回應「Hehe」，揚言會加倍努力搵奶粉錢。之後他再於電話分享喜悅說：「自己一直希望五年生三個小朋友，O依家係快咗啲，比預期嚟早咗，但呢啲係上天賜畀我哋，多啲嚟密啲手囉！」問為何不讓老婆「副偈」唞唞時，他笑說：「趁佢後生快啲收工吖嘛，生完三個之後會畀佢副偈唞唞㗎啦。」今胎是否想生女？陳豪謂：「如果係女就固然好啦，但我同Amiee仔女都冇所謂。」