韓劇「奇皇后」尋晚係韓國播出第33集，收視狂升3.3%，有28.6%收視，亦都打破左自己紀錄，隨著劇情漸入高潮，有望收視衝破30%。

噚晚嗰集講到皇帝妥權（池昌旭飾）帶醉酒嘅奇承娘（河知雲飾）回寢室，當皇帝想咀承娘時，最終都冇咀落去，因為佢想承娘真係愛上自己，投入自己攬抱。
皇帝同承娘結伴打獵，但燕帖木兒丞相（全國煥飾）已派人佈下陷阱殺害佢哋，點知被高麗國國王王裕（朱鎮模飾）嘅部下破壞左陪份陷阱，但最終皇帝為保護承娘而中左毒箭，情況危急。

另一方面，王裕表面上投靠丞相，但暗地裡就不時秘密協助承娘逃過危機，不過承娘就以為佢已對自己忘情，但王裕得知承娘同皇帝打獵時身陷險境，竟不顧自己安危，死命保護二人，最後更受了刀傷。