當年今日

隔牆有耳:阿人幫狀元囡囡收風 - 李八方

蘋果日報 2008/10/06 00:00


連任立法會嘅李卓人,喺選舉前已經收咗份大禮物,就係喺瑪利諾修院學校讀書嘅囡囡Justina會考攞到9A,成為今屆女狀元,令老竇開心到飛起。由於成績好,Justina成為大學拔尖目標,一直想做記者嘅Justina家陣諗緊,去邊間大學讀新聞系好呢?
阿人見到囡囡咁頭痕都於心不忍,噚日喺爭取最低工資遊行期間,見到一班樹仁同中大新聞系學生做緊採訪時,就即刻由被訪者變身記者,猛咁問呢班新聞界學生,如果要做記者,究竟讀港大定中大好啲呢?好明顯係為囡囡收緊風噃。阿人都直認返到屋企會第一時間向囡囡報告收風結果,廿四孝老竇佢實在當之無愧。