超蓮用臉抹玻璃玩到走晒樣 網民鑑定冇整容：特別想看Angelababy
蘋果日報 2021/03/27 01:36
何超蓮抹玻璃竇驍
被譽為何家「最索千金」的何超蓮，早前孖大陸男友竇驍拍片玩放手跪動作，今日她就撇甩男友，自己拍片玩抹玻璃，不過超蓮今次並非用布抹，而是用塊臉來抹，搞到靚樣變晒形。
超蓮在社交網站上載了寫着「原裝玻璃~ 希望我的朋友不要刷到這條」短片，雖然影片只有短短7秒，但就見到站在玻璃前的超蓮，罔顧形象兼靚樣，將臉緊貼在玻璃上，然後由左至右、再由上往下抹，搞到個樣變晒形後，超蓮仲好開心地雙手做出V字手勢，似乎好滿意效果。而有大陸網民睇完後，留言指超蓮個鼻同嘴都是真的，而超蓮就搞笑地回「全臉都是真的！」，而之後就有網民留言話想睇Angelababy拍呢條片。
超蓮唔理形象同靚樣，用臉抹玻璃。（網上截圖）
雖然超蓮唔顧靚樣，但她就在短片上寫着「不要截圖」。（網上截圖）
有網民睇完超蓮條片後，留言表示想Angelabay拍同一係片。（網上截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！