韓片《屍殺列車》男星馬東石近期有多套新戲即將於香港上映，除咗有8月上映嘅《與神同行》下集《與神同行：終極審判》外，馬東石主演嘅《神臂大叔》亦將於下月26日於香港上映。

《神臂大叔》上月於韓國上映，即横掃韓國開畫NO.1，新片講述從小被領養到美國嘅大隻佬Mark（馬東石飾）擁有天生神力，曾贏得拗手瓜大賽冠軍。於貪婪嘅經理人晉基（權律飾）誘騙下，Mark重返韓國，進軍全國錦標賽。回韓後，Mark跟素未謀面嘅妹妹秀珍（韓藝璃飾）及佢一對子女相認，重拾無價親情。當Mark知道妹妹欠下黑幫巨債時，佢決定進行地獄式特訓，誓要贏得冠軍。

精選韓流，喺晒《娛果》
http://fb.com/appledailyent