【魔鬼教練】泰利:干地操得仲勁過摩佬!
英超車路士摩連奴泰利干地英國足球雲迪積克
好多人都以為,摩連奴係球場要求球員搏命防守,進攻球員都要回防,踢出機動性足球,係佢執教嘅球隊訓練一定相當刻苦。但前車路士中堅泰利就話,干地操得仲勁過摩佬呀!
呢位前英格蘭中堅,周一晚上係天空體育嘅節目提到,「係干地手下踢波唔難,但跟佢畀嘅操練就好辛苦!無論精神上定係體能力上,佢都會要求好多,而呢個對意大利教練黎講係好普遍。」泰利再補充,因為干地要球員切實執行到佢嘅343陣式,每日都會花45分鐘至1個鐘去做戰術訓練,「戰術訓練係比其他教練都多,但當球員發現呢啲訓練,比賽個陣真係有用,大家就唔會介意做咁多。」而泰利亦非常支持呢位「魔鬼教練」繼續留任車路士領隊一職。
另外,節目主持又問到,如果修咸頓中堅華基爾雲迪積克加盟任何一隊big six,佢嘅前途會係點。泰利就話雲迪積克一定會係其餘五隊都即刻打到正選,唯獨車路士,佢就要同其他球員競爭下,可能做下後備先。
--------------------
狂賀!BFB系列推出5周年,精彩活動為您安排,立即登入速享專屬優惠! http://bit.ly/2xrTKGM