陸詩韻同盧頌之(DaDa)等一班藝人今晚喺尖沙咀出席一間夜店嘅開幕，曾經同鄺佐輝合作最後一個節目嘅陸詩韻話聽到對方嘅離世感到好婉惜，佢話:「我哋最後係八月尾嘅時候見面，佢做節目主持我係嘉賓，當時佢面色好好，身體正常。」陸詩韻話早排睇新聞知道佢身體又有事，點知兩日後就過咗身。又話會留意住出殯日期，希望抽時間去出席表心意，如果佢屋企人需要咩協助，佢都好樂意幫手。

講到聖誕，佢話:「年年都Lonely咁過，因為我生日夾正喺聖誕同新年中間，啲朋友好多都玩到攰，我試過搞生日Party，但自己又好緊張搞到好忙，所以以後都唔搞，生日都會約朋友食飯，平平淡淡咁過。」