汪明荃（阿姐）今日喺九龍塘城大出席「三十周年校慶文化藝術節」開幕禮，阿姐之前病咗，至於有冇好返啲，佢聲沙沙咁話仲未清，今次真係好嚴重。

阿姐話自己係城大榮譽文學博士，今次30周年文化藝術節，所以嚟支持。阿姐話城大對推廣戲曲做好多嘢，成日請京、崑藝術家表演，做比大學生睇，喺戲曲推廣好努力。問到阿姐會唔會做導師？佢話冇，嗰邊已經有好多導師。至於有冇同城大合作搞活動？阿姐話八和暫時冇。