【8個月寶貝女暫停一切學前班】馬賽「疫」境自強發放正能量
蘋果日報 2020/03/02 15:30
馬賽娛樂娛樂
馬賽自從離開大台後，全面撤出香港，回歸內地發展。19年1月搵到好歸宿，同紀姓老公拉埋天窗。大肚期間，曾經返港會友嘅馬賽，最終選擇在美國生女。
6月30日出世的Camelia，眨吓眼已經8個月大，全家定居北京的她，不時將寶貝女萌相上載社交網站，米芝蓮身形嘅Camelia十分可愛。未爆疫情前，馬賽帶囡囡去學游泳，又去博物館，培養囡囡不同方面興趣，更不時在社交平台交換湊女心得。
但疫情下，她和Camelia都要留家避炎，日前她發放正能量：「哪怕得到過絲毫的恩惠和幫助，也要心存感激，時時想着如何報答。如果能够這樣用心，就會發現身邊的愛越來越多。反之而言，如果想要的越來越多，就會覺得生活越來越貧乏。今天開始，和大家分享正能量，好嗎？」
去年底馬賽帶住寶貝女行北京博物館，五個月大嘅Camelia，眉宇間已經有老公嘅雛型。
馬賽同紀性老公於去年一月拉埋天窗。
7月大嘅Camelia同馬賽老公完全倒模一樣。
戲照拍，女照顧湊，唔知馬賽有冇考慮幫襯Camelia追個細佬、妺呢？