否決！否決！

政改方案以8票贊成、28票反對遭否決，大批建制派「有票都唔投」突然離開會議廳，就是為了等發叔(劉皇發)抵立法會一齊投票，只剩下8名建制派議員(不計主席曾鈺成)，最終政改方案被否決。

亞洲電視主要投資者王征，依家個免費電視牌照，冇咗；如意算盤又打唔響(你懂的)，連賣盤都……消失一輪嘅王征，今日見到呢場鬧劇，都有話兒喎。

王征方才於社交網寫道:「敵人並不強大，卻成國際醜聞。大家多年心血、打拚、犧牲付諸東流，沉痛之心情非言語所能形容，茲斗膽建議中央，仿當年撤董(董建華)之舉，長痛勿如短痛，立即撤換特區行政長官梁振英先生及中聯辦主任張曉明先生，以示問責，以儆效尤，重新出發。」

王征滿肚鬱結，明白的。但睇番呢場鬧劇上映後，新華社報道國務院港澳辦發言人發表談話，都係指摘嗰28名投反對票嘅議員令投票結果「背離了香港社會主流民意，也是中央政府不願看到的」，又鬧佢哋係出於私利否決普選法案，阻礙香港民主發展進程、要為此承擔歷史責任，仲話完全認同並支持行政長官梁振英今日就此發表嘅談話……表面係啦。網民都係時候入定花生。