日本西南部廣泛地區近日豪雨成災，造成多人傷亡，但係山田優似乎唔太留意新聞。日前佢喺Instagram留言話「雨季差不多結束了，夏天的必需品」，宣傳其手上嘅防曬用品，由於日本正遭遇到嚴重雨災，山田優咁樣無視雨災宣傳，就惹來唔少網民批評。

山田優後來再留言提到正發出暴雨警告，祈求大家平安，但係仍未能平息風波。之後，山田優再公開一張pancake照片，又話一向習慣喺社交網站公開自己喜愛好嘅事物，但咁樣唔代表佢唔關心災情，其後再寸爆留言：「認為我貼文不好的人，然後再在這裏留言，我會全部接納你們的意見。不過這裏的文章是給支持我的人士看，請不想看的人不要看。」仲叫人unfollow佢個Ig，咁樣更加惹人反感。

其實山田優已經唔係第一次於發生天災時留下不恰當留言，日本大阪上月發生大地震時，佢曾經話「正塞車，好困擾。」即被網民鬧爆佢唔用腦。

精選娛聞，喺晒《娛果》
http://fb.com/appledailyent