季初階段報名馬不多，同時經常見到有馬跑完匆匆再跑，當中不少更可在匆出之下交出好表現，如上周三「亞馬寶寶」及剛戰「電訊大炮」及「福之寶」等都是好例子。

今晚（13日）快活谷夜馬，又有多駒於上周三跑完匆出，最值得留意係頭場四班1200米葉楚航馬房的「紅星」，此駒後勁非常可靠，近七仗均角逐谷草1200米，其中五場交出全場最快末段時間，並取得兩勝三位，包括上周三好遲望空下追入季軍，用力不算多，咁快又再跑，反映幕後一心乘勇求功。

翻查紀錄，上季九月份亦有三匹造最快末段時間之馬安排匆出，當中兩駒上名，加上去季葉楚航兩匹剛上名馬交由潘明輝接手，均非勝即位，因此「紅星」今仗改配火車潘減七磅出擊，兼排3檔好位，足以贏馬補中。