當年今日
關於我們

愛快Evoluta視保時捷911為敵

蘋果日報 2003/06/24 00:00


喺今年九月舉行嘅法蘭克福車展上,將會有多款備受注目嘅車款展出,如寶馬全新X3等等,肯定會令在場車迷感到目不暇給;而最近外國方面就傳來消息,話愛快汽車亦會於車展會場上,展出新款Evoluta跑車,除可望於2006年推出市場外,而且重視保時捷911跑車為敵㖭!
該消息指出,愛快呢款Evoluta跑車嘅造型設計,與早年曾在多個國際性車展上展出嘅概念車相近,車身線條同樣極具流線型,襯以闊大跑車合金胎軨組合,一派高性能跑車形象徹底地展示出來;車廂布局相信亦會以跑車化為主,但仍有待廠方公布關於此車嘅進一步資料後方可作實。另外,廠方預計會為呢款全新跑車裝上一台4.2公升V8偈,馬力輸出動輒高達390匹,性能表現絕對毋庸置疑。有興趣嘅車迷,就要密切留意新車嘅推出日期喇!