江偉指,獅子山及南川距離接近,會互相影響,沿着兩者中心所形成的軸線心,呈氣旋性方向移動。「獅子山向偏東方向移動,就係因為南川,南川就向西南偏西移動,隨住南川不斷減弱,成為熱帶低氣壓,獅子山帶嚟嘅不穩定天氣可能再次影響香港,但路徑比較難預測。」
環保署昨日公佈空氣污染指數,其中銅鑼灣、中環及旺角三區達甚高水平,預計今日空氣污染指數亦有機會達甚高水平。社會醫學專科醫生方玉輝表示,哮喘病患者會受空氣中的微粒影響,敏感症患者病發機會亦會增加,而心臟病患者血流量較差,為身體供氧的能力亦稍遜,「佢哋本身嘅帶氧能力差啲,空氣污染仲打咗折扣,冇必要唔好去人多擠逼嘅地方,開學日交通更繁忙,污染仲嚴重。」他建議保持室內空氣流通,若沒有空調,亦應開風扇或抽風系統。