當年今日
關於我們

【智取大市】制度不公後患無窮(晉佳)

蘋果日報 2019/12/01 18:18

地產股晉佳智取大市

近期見到有大行再次睇好本地地產股,表示只要香港局勢穩定,啲人會買返樓。在地產分析員角度,只會關心自己研究嘅板塊係升係跌,不過,在投資者而言,有咁多唔同股票類型去揀,長線揸本地地產股實在同自己過唔去。
本地地產股嘅問題,重點唔係近期香港政局變化,喺6月9日之前,本地地產股估值相對每股資產淨值折讓已經達到四、五成,市場給予低估值係源於增長力、競爭力老化,完全睇唔到地產股有擴充、增長派息嘅能力。
多年食老本、不思進取嘅習性,其一係源自制度上嘅不公,一班唔使出力就有人餵食嘅制度既得利益者變得慵懶,上進而未能公平得到機會嘅香港人就變得心灰意冷,係主權移交後日積月累嘅不公平制度拖累香港嘅寫照。既得利益者嘅慵懶加上阻止後浪上位,缺乏競爭,令生產力裹足不前,進而累及自己生意,造成惡性循環。
最近嘅典型例子就係民建聯,好明顯係制度上受惠嘅慵懶一族,最終要食下苦果。而香港人出嚟抗爭,亦係制度不公帶嚟嘅結果。如果制度公平、人人有機會,經濟成果能夠透過努力去換取,有如昔日嘅香港,至少不滿嘅市民數目,唔會以百萬計。由此可見,制度不公會令到香港社會上任何一個party都要輸。
不公平,係香港問題嘅源頭,好可惜6月9日以後,主政者選擇進一步加大不公平,惡性循環只會令民建聯落馬事件一而再咁發生,區選唔使一星期,曾恃住政治優勢而忽視管理嘅港航就出晒事,商界亦會逐一步其後塵。主政者一日不醒覺,香港問題不可能解決,呢個先係真正嘅「攬炒」。
晉佳
https://www.facebook.com/advanceguy1/

---------------------
SAKURA GLOBAL x investMAN
【全球樓行-馬拉】FAN享會
龐大專家陣容 助你走佬去馬拉
點擊參加SAKURA GLOBAL呈獻:【全球樓行-馬拉】FAN享會
-----------------------
屬於香港人的移民攻略
立即登入【全球樓行】
Dream House零距離