當年今日
關於我們
吳鎮宇東京銀座入貨
蘋果日報 2006/01/18 08:00
吳鎮宇(左二)買舖,唔知藝人效應,對其他投資者有幾大呢?
投資者黃海明拆售旺角東京銀座,搵美聯做代理。為咗提高曝光率,美聯搵藝人撐場,除咗吸引到普通人,估唔到連藝人都心動。
黃海明話,影帝吳鎮宇,噚日簽署「內部認購意向書」,預留近扶手電梯一樓舖,百二呎,作價二百幾萬。黃海明話,吳鎮宇幾日前參觀,噚日扑槌。聽講,未定自用定收租。
美聯黃子華話,今個禮拜四,開「東京銀座誓師大會」,本周內公開發售。