【本報訊】獲委任為教廷萬民福音部秘書長的慈幼會士韓大輝神父將於下周四（20日）出發往梵蒂岡履新，下月初擢升為總主教。他昨日回母校出席告別會時批評，早前舉行的全國天主教代表大會違反教義，他同意教會要更主動處理國內主教任命。
韓大輝昨到九龍鄧鏡波學校參加教友告別會，除本港教友外，有來自美加和內地的教友，共400多人出席，大會臨時加開聖堂外的操場供參加者使用，教廷駐港代表亦有出席。
韓大輝回應教友提問時，認同要主動處理國內主教任命安排。他批評早前舉行的全國天主教代表大會多次強調內地教會「獨立自辦，自升自選」，是不合乎教義。他指參加會議的國內主教平均47歲，「如果做到70歲，仲有23年，萬一仲長壽，都唔知點算」。

教廷求人心切

被問到與特首曾蔭權的關係時，他指特首曾蔭權和其太太是好教友，但「成個社會嘅情況唔理想，貧同富距離越拉越遠，唔可能同政府無關」。他表示教區對校本條例已有立場，由法院處理，他不會約對方討論，「唔需要再傾，因為之前傾過，傾談嘅結果唔理想。」
他在聚會中透露，教廷「求人心切」，「我當日5點半收到教廷電話，講咗都唔知有冇7到10分鐘，佢話個幾鐘頭後就會公佈呢個消息，我都唔夠時間反應」。致電他的教廷代表未有時間向他講及升總主教的詳情，「佢話需要我好快過嚟，話『你手頭上啲嘢做到幾時呀？』我計吓要做到6月，佢話唔得喎，最遲1月啦」。他其後才知領銜的教區錫拉（Sila）在非洲。