何韻詩認為香港人太冷漠、太多怨氣、太少和氣，所以，佢早前喺港鐵做「儍事」—接車同送車，同三唔識七嘅朋友打招呼，問好及saybye。要溫暖香港，佢身體力行，一於十八區遊走，為「十八種香港」做資料搜集及熱身。

何韻詩去到灣仔藍屋，探訪由一群熱心街坊成立及營運嘅「香港故事館」。街坊當值員見到阿詩都不知幾咁熱情，爭住同阿詩介紹一啲灣仔區典故同民間生活智慧。之後，「香港故事館」館長阿謙仲帶住阿詩去探訪附近街坊，加深認識社區生態。

事後阿詩表示，香港有好多有心人都做緊一啲好有意義嘅事，但係就各有各做。「十八種香港」就係想連接各個社區，令到更加多人知道佢哋嘅故事，凝聚一股更大的社區力量。