【本報訊】不少到場支持的都是學生，各人對中共干預及欺壓香港表示反感，認同獨立是香港唯一出路。他們認為，梁天琦等人因政治主張而被取消參選立法會資格，並不公平，亦破壞法治。
14歲的李同學直言支持港獨，「一定要同中國分開，佢（政府）唔係為咗香港人，全部都係為咗大陸人，好似資助大陸學生讀大學」。她亦不滿中共干預香港，銅鑼灣書店林榮基及李波等人被失蹤事件令人擔心，「將一個人捉去禁錮幾個月都可以倒番轉頭話佢錯，好似黑社會咁樣」。
15歲的梁同學亦稱支持港獨，「因為中共管治香港嘅手法係好惡劣，好似水貨客、東江水，仲有好多嘢數都數唔晒，唔想再俾中共毒害」。

教育局反對校園推港獨

21歲大專學生何先生表示，「政府冇理由因為一個人嘅政見而禁止佢參選，覺得所有可以進入建制嘅路都失去嘅時候，惟有獨立係可以行嘅路」。另有不少市民對梁天琦等人因政治主張而被取消參選立法會資格，感到憤怒，認為對香港法治係造成很大破壞。
教育局發言人表示，關注有組織聲稱在學校宣傳港獨，港獨不符合《基本法》，亦與國家對香港的基本方針政策相牴觸。因此，任何港獨主張或活動不應在校園出現。校長、老師和家長等應支援學生免受誤導而不自覺地參與鼓吹違反《基本法》或其他法律的活動。
■記者佘錦洪