Celine爸爸辛苦兩年先畢業？ 菲律賓國立雷省科技大學同國力書院合作過

蘋果日報 2017/06/25 18:10

譚順生Doctor
    今日譚順生喺銅鑼灣開澄清大會，呀！唔係......係新碟發佈記招先啱！佢仲逐點解釋番連日嚟嘅傳聞，譚順生仲拎埋佢喺菲律賓馬尼拉University of Science and Technology修讀嘅「Doctor of Philosophy in Business Administration」畢業証書出嚟，仲話係經過兩年嘅辛苦讀返嚟！又的確係釘裝精美嘅！
    咁到底呢間菲律賓馬尼拉University of Science and Technology又係一間點嘅大學嚟呢？喺網上搜尋到呢間中文名為「菲律賓國立雷省科技大學」學校嘅香港辦事處網頁，而其網頁中見到除咗係「最新消息」之外，其他所有欄目，無論係「簡介」、「入學須知」、「聯絡我們」點擊入去，全部都係顯示「Not Found」，就算係「最新消息」欄目亦只係更新到2010年。
    翻查資料，呢間「菲律賓國立雷省科技大學」正正同早前傳出偽造文書醜聞嘅「菲律賓比立勤國立大學」都係同一香港合作機構，即「國力書院」。而港姐蔡思貝喺2013年亦曾透過國力書院報讀菲律賓比立勤國立大學嘅工商管理學士課程，僅兩個月就極速畢業，令人質疑其學歷（相關新聞： http://bit.ly/1MYaH1l )。
    講返呢間「菲律賓國立雷省科技大學」，喺佢哋菲律賓嘅網站所指，佢哋的確有喺香港開設「Doctor of Philosophy in Business Administration」學位課程，不過就未有提供此課程之認受性。
    不過喺一個疑似係「菲律賓國立雷省科技大學」大陸網站就指，喺09年中菲兩國曾簽署兩國《互相承認高等教育學歷和學位的協議》，其學位係獲得大陸認證咁話。

    相關文章：【蘋果踢爆】Celine爸爸譚順生為國力學生 1年極速博士畢業疑偽造文書
    ( http://bit.ly/2u37K7R )
    empty
    empty
    喺網上搜尋到呢間中文名為「菲律賓國立雷省科技大學」學校嘅香港辨事處網頁（互聯網截圖）
    empty
    無論係「簡介」、「入學須知」、「聯絡我們」點擊入去，全部都係顯示「Not Found」。（互聯網截圖）
    empty
    「菲律賓國立雷省科技大學」菲律賓網站（互聯網截圖）
    empty
    佢哋的確有喺香港開設「Doctor of Philosophy in Business Administration」學位課程，不過就未有提供此課程之認受性。（互聯網截圖）
    empty
    國力書院（資料圖片）