明珠見暮煙，仲稱呼暮煙做「暮煙大嫂」，之後仲告訴暮煙好消息佢得到父親認可，可以同大英一齊，之後就帶來了一張聖誕卡畀暮煙，原來係之前暮煙喺烏魯克救過嘅孤女。

醫療隊嘅成員亦都收到來自烏魯克嘅小朋友傳來嘅問候片段，睇到佢哋好窩心。醫生李承俊（宋尚賢飾）曾經要求河子愛（徐正妍飾）為佢刪除電腦內嘅密件，而子愛終於的起心肝睇，原來就正正係子愛由10歲至30歲時嘅照片，可見承俊一直都暗戀咗子愛多年，令子愛大為感動，兩人最終走在一起。

時鎮同暮煙又約會，暮煙將車子改咗做「bigboss」，又要時鎮幫佢開車，之後二人為車子洗車，暮煙就大擺心心手勢，之後二人就一齊洗車，點知暮煙就誤將水噴向時鎮身上，搞到時鎮超凍，但時鎮亦不忘撩女，話暮煙笑時最性感。

明珠同大英喺飯堂食飯，明珠仲大膽用腳挑逗明珠，大英問明珠之前有冇睇過佢嘅遺書，明珠話冇，大英話原意佢想逃避，但自己無論活着定死去都係咁愛明珠，於是明珠即刻拿出遺書睇吓到底大英所講係唔係一樣，原來明珠隨身帶住大英嘅遺書。大英仲當住所有下屬面前錫咗明珠額頭一啖，仲要求下屬全部閉眼，之後進擊嘅明珠索性走埋去，啜爆大英。