【田北辰專訪】與葉劉的牙齒印 田北辰:我唔想比較
葉劉淑儀新民黨田北辰沙中綫禮頓實政圓桌
田北辰17年帶着六個新民黨區議員,離開與葉劉淑儀共同創辦的新民黨,自組「實政圓桌」。兩人牙齒印甚多,田北辰5月提出送中條例港人港審方案,被葉劉斥「你是個讀過書的人,不要再胡說八道,誤導群眾了!」7月葉劉稱田北辰不支持政府,大可脫離建制派、辭去人大職位,被田北辰反指不知所謂。
今次區選,實政圓桌7人參選,得2席;新民黨26人參選,全軍覆沒。新民黨是否應該修正路線呢?田北辰一提葉劉即落閘,「我唔想比較,我哋隨時可以7席冇晒,贏兩席,因為佢哋非常勤力。我覺得唔可以比較新民黨、實政圓桌。」他頓一頓再說:「如果你話純粹中間路線,令我哋仲有人返嚟,我諗有小小關係,但我諗唔係關鍵,否則我都唔會輸啦。」
至於明年的立法會選舉,他笑問:「你記得上年12月香港發生咩事嗎?」記者一愕,他說:「沙中綫、禮頓今日都冇人記得,我點知下年咩世界,唔諗得咁多。」
關於與葉劉的恩怨,有段小插曲。田北辰事忙,中斷了訪問,記者及後到他立法會辦公室。電視機正播着葉劉主持會議,表示要花十分鐘休會,決定程序上某議程應該討論還是直接表決。田北辰辦公室裏的職員噓聲四起,「仲話自己資深議員」、「如果田少喺會內質疑葉劉,佢肯定鬧田少,話『規程我熟過你!你係主席,定我係主席呀?』」