51歲日本女星齊藤由貴再爆出不倫醜聞，事件令佢藝人形象完全破產，而同佢搭上嘅已婚醫生早前已接受電視節目訪問，承認跟同屬摩門教嘅齊藤由貴發展姦情已經5年。

身為有夫之婦嘅齊藤由貴揚言會挽救婚姻，日本雜誌《FLASH》上星期就拍得佢獨自駕車到橫濱買餸，並一臉愁容，相信近期嘅輿論壓力令佢十分難受，當地電訊公司KDDI旗下嘅au今日已宣佈同佢解除廣告代言合約，而齊藤由貴方面亦辭演由鈴木亮平孭飛嘅2018年度大河劇《西鄉殿》，由於齊藤由貴飾演係角色幾島都係重要人物，令到電視台亦陣腳大亂。