日本青春女星有村架純喺藝能界人氣爆燈，主演日劇、電影排到18年，近日佢就忙緊趕拍古裝動作新片《關原之戰》，夥拍役所廣司及岡田准一。

《關原之戰》係改編自著名小說家司馬遼太郎嘅暢銷作品，原著已累積逾580萬本，有村架純飾演片中女主角初芽，今次會挑戰動作場面，噚日佢更新Instagram自拍傷痕累累嘅雙腿，仲寫：「每日survival，我的腳很污糟。笑」唔少網民同粉絲見到有村架純對腳又傷又瘀都紛紛留言，大讚佢專業之餘，更覺得好心痛，希望偶像唔好再受傷咁話。