台灣女藝人鄭家純（雞排妹）今日到電台宣傳新專輯，以及由錢國偉執導，佢有份演出嘅電影。

不過未知雞排妹係咪唔夠時間休息，佢遲到半小時之餘，甫見記者即「放蚊」，對記者問題，亦表現得甚為敷衍。

見佢咁攰，係咪因為睇世界盃夜瞓所致？雞排妹就話：「沒有，我看不懂。」佢又話男友都唔太睇足球賽事，所以唔使陪佢睇，而佢自己可能只會睇總決賽，做一日球迷。

問到雞排妹日前喺錢國偉帶領下，夜蒲蘭桂坊，有冇男士向佢搭訕？佢就話冇，咁係咪好失望？佢話：「不會失望。」

至於香港同台灣嘅夜蒲女生，有乜嘢分別時？雞排妹表示：「台灣的比較敢穿。」