由大告訓練之「智勇福駿」，可謂一匹「神奇低班馬」。佢上季連四班都贏到，可以話係馬房一大傑作，而且經常有好分頭。「智勇福駿」出擊從來唔係亂嚟，用王牌乃出擊先兆，事關之前三次出王牌跑千四，拎到兩冠一亞，反為同程其餘六戰冇打王牌就全部唔入三甲，咩叫部署大家心中有數。呢勻跑贏過之四班千四有用王牌報名，幕後咩心態仲使畫公仔畫出腸咩！