現年35歲嘅前韓國女團Jewelry隊長朴貞雅，今日跟細2歲嘅高爾夫球選手全尚宇於首爾舉行婚禮，由於男方係圈外人，因此婚禮係不對外公開，不過婚禮開始前，新娘朴貞雅都有單拖現身跟傳媒打招呼。

今日韓國時間下晝5時30分，朴貞雅以一身白色嘅簡約婚紗、手拎花球出席記者會，表示籌備婚禮嘅過程令佢成長咗好多，又話：「我會快樂地生活。」之後大派心心、擺定甫士畀記者任影，睇得出非常幸福。