想喺財金界捱出頭，既要喺缸湖鬥智鬥力，仲要應付老闆嘅目標，壓力大就梗㗎啦，所以唔少人都有做運動減壓。兩位金融才俊上個禮拜喺中環嘅黃金地段開咗個萬五呎嘅武術訓練會所，月租六位數字，九年租約，請嚟星級教練，投資總額達七位數字。

基金經理當副業

主席KevinFialko家係一家市場研究公司同亞洲房地產投資信託基金嘅CEO，仲喺一間對冲基金擔任顧問，5歲就開始玩拳擊，亦學過摔跤同柔術，連9歲嘅囝囝都非常把炮，4歲嗰陣已完成巴西柔道訓練。行政總裁ColeSirucek曾經喺淡馬錫做，除咗武術，閒時玩賽車、潛水同登山。
喺寸金尺土嘅中環開健身中心捱唔捱得住㗎？Cole話租金雖然貴，佢哋收費亦貴過同行，但武術會所有得做，「成功的人有數個共通點，他們十分勤力，着重每日一小步的成功，更加不會吝嗇於健康，武術可以訓練紀律和減壓。」主席Kevin純粹兼差，CEOCole就索性將呢份工視作主業，間中從事基金經理工作，實行寓工作於娛樂，「做你愛做的事嘢，永遠也不會錯。」