一連六晚嘅周杰倫《魔天倫2》世界巡迴演唱會香港站噚晚去到尾場，周董接受訪問嗰陣，直言希望明年再嚟香港開演唱會，周董指：「很希望，但要有場地，紅館已經很多人開演唱會，希望有新歌再出來唱，不能離開太久。」乜你唔係結婚咩?周董續言：「先結婚再來開演唱會，ok的!」

被問及婚期，周杰倫又再講係36歲前，強調都係淨番兩個月就告別單身，唔知周董緊唔緊張呢?周董話：「現在不緊張，因為問題問了很久，從前問的時候就緊張，現在快到了，心情很ok!」但有記者就戥佢緊張，周董又話：「其實之前是緊張的，因為新專輯未做好，現在新專輯做好，在下個月出碟，演唱會亦完成了，是時候做該做的事情。」

周董再被問有冇其他站巡演，周董表示，香港係最後一站，終於可以休息。不過全晚大家都等你喺台上求婚，周董笑指：「idea不錯，真的有想過，但是很多人在台上，亦都認為演唱會時間要留給歌迷，加時偷偷來就好了。]問佢準備婚事方面係咪都係「偷偷來」，周董笑言：「先偷偷來，再告訴大家!]

咁你諗好點求婚未㗎?周董指：「真的想過在台上求婚，但被人家說了，其實這一idea滿棒的，因為身為音樂人，如果在台上求婚，感覺不錯。」因為知有fans以為佢會求婚先冇咁做，不過難為昆凌喺香港站晚晚等你向佢求婚呀!周董代女友解釋指：‧「她來聽歌的，大家不用緊張，我會告訴大家的。」被問係咪決定去巴黎結婚先，周董就否認，周董只透露：「生日之前就會完成，Yeah!」周董咁淡定又知昆凌實答應，周董說：「還不知道，但是知道差不多，應該。」