【本報訊】有傳梁振英曾向地勤人員稱「叫我梁特首」，林鄭昨被問及外界日後如何稱呼她時指，除了可稱「林太」或「Carrie」，也可稱她「Madam」：「因為我好鍾意我嘅紀律部隊同事叫我做Madam，等於我係佢哋嘅一分子」，但明言最好不要叫她做「奶媽」。而她昨應主持人陳志雲要求，脫下眼鏡供拍照時，獲陳大讚「柔情好多」時笑說：「唔好玩啦Stephen（陳），阿姐你都玩。」
談及家庭，林鄭指與長子較親近，「你可唔可以想像、25歲做緊嘢（的男仔），晚晚都要同媽媽傾偈。如果大仔有強烈反對意見（選特首），我就係處於一個好難嘅位。」她指次子比較「cool（冷淡）」，又指如丈夫及兩兒子反對她選特首，她不會參選。

指葉劉或受委屈

梁振英大讚林鄭有擔當，令未獲讚賞的葉劉淑儀激動哽咽，林鄭被問及有甚麼話向葉劉說時指，認為葉劉或因很大壓力或受委屈，因此「有啲情感上嘅抒發」，「Regina（葉劉），其實你真係好有擔當，為公家做咗好多事，尤其好佩服你去接受選舉嘅洗禮」，她同時大讚這位前上司非常好及非常體恤下屬，「呢方面可能真係比我優勝」。
林鄭指暫無計劃開設facebook戶口，寧找其他渠道與市民直接接觸，又指網上對她看法通常較負面，會繼續努力。
問及因上主感召而參選，林鄭解釋，「係一個信仰，有啲嘢係有上帝嘅旨意，唔係可以好理性、科學化去解釋」。上帝何時感召她參選？「我又冇好刻意話上帝幾時講嘢畀你聽呀，唔係咁樣，信仰係一種好潛移物化、內心嘅嘢，去到嗰個位你就知……冇一個特別時刻」。
■記者姚國雄