睇樓客張先生本身住觀塘約500呎舊樓，有意換入新界300至400呎新盤。他坦言，市區樓換唔起。

他認為，樓有需求，樓價唔會跌。加息加唔到幾多，最多四分一厘，息口仲係低，都唔使兩厘。短期唔會加息好多，全球經濟都唔好。

另一名睇樓客區先生表示，樓市平穩，香港經濟唔會太差。樓價係有啲跌，但唔會跌好多，都是個幾個巴仙，通脹都係返到。

記者：陳家雄