無綫噚日宣佈裁員50人，不在名單之上嘅兒童節目組同遭滅門，全組12名幕後員工僅炒剩一人。無綫內部更流傳會再裁員。(新聞連結: http://bit.ly/1qWd8ol )。

袁潔儀、周嘉莉同埋亞視執董葉家寶等今日喺亞視總台出席記者會，宣佈獲香港籃球總會賽事電視轉播權。

葉家寶被問及無綫裁員，佢話冇留意幾多人，只知道佢哋有職位縮減咗，佢話：「我都同公司人力資源科講咗，有需要我哋都了解下，有員工願意加入我哋亞洲電視，有能力嘅，我哋一定無任歡迎，唔單只係無綫，其他電視台或者新入行嘅，因為亞視近期有好多唔同製作，大量需要台前幕後人材。」

有指無綫賺錢都裁員？葉家寶話：「每間公司有佢嘅營運策略，我哋唔想評論，正如當年話港鐵賺大錢都依然加價，我諗每間公司有佢盈利標準，我就唔作評論，我只可以講，亞洲電視過去五年來，冇大規模或小規模裁員，我哋從來冇裁過員，可能係有唔啱我哋嘅員工解僱咗。」係咪亞視有人情味啲？佢話係呀：「亞視一向係有人情味機構。」

吓？冇裁過員？咁呢單新聞咩嚟0架？------->(新聞連結：bit.ly/1ARTL0Q)