剛周三（18日）谷戰取消，變相今個周末（21日）賽事更受重視，現時只剩霍利時、賀賢及何良仍未開齋，其中霍利時可用兵源緊拙，要在目前競爭激烈環境殺出重圍，趁大馬房未郁手，季初搶攻爭取好成績乃理所當然之事，尾場「噴火龍」算係廐內少數當頭起的質新份子，值得優先留意。

第十場三班1400米：射程圍繞在幾匹頂磅馬身上，「蟲草之星」上仗贏馬姿態出色，接近1200磅大馬，今仗要孭132磅當然無問題，但何澤堯要孭死鉛太多，還有臨場情緒都係主要考慮因素。

「帝豪寶寶」上仗出閘脫腳，全程兜大彎蝕位跑第三，加上未曾見過「帝豪寶寶」會後上追馬，換潘頓當然求補中。「紅心傾」外地賽績勁，但來港後因跑姿及賽事形勢，往往身處下風，要留放做得好才有機會突圍，論晨操表現狀態最弗今次。

揀馬膽吼半冷門「噴火龍」，在三班四戰未甩過三甲，演出越見準繩，代表成熟進度仍有上升空間，上季尾憑一條直路殺退「開心好玩」，後駒最近已經補中，賽績水準極高，馬房剛周三錯失開齋良機，寄望「噴火龍」可以補中。

第八場三班1600米：一再強調，能夠一出即贏1400米的自購馬，前途無可限量，或者有人認為「喜勝勁駒」上季尾贏馬，是趁大部份舊馬拼得多，體力下降而交不出水準，但「喜勝勁駒」其實在一個極劣勢的尾叠位置，從馬群堆中穿插而上，無過人質素及潛力，非一般馬匹能做到。

今戰隔十一個星期再出，有正常快跳試閘準備程序，馬身狀態都比上仗好，唯一考慮係孭頂磅兼排十二檔，究竟潘頓如何演繹？存在好多個問號；相反「全民佳知」形勢就穩陣得多，上仗季內復出只輸「蟲草之星」一個馬位，中長途馬熱過身開氣，總比久疏戰陣的「喜勝勁駒」優勝得多，強配雷神抽黃金一檔，出閘已經守在包箱二、三位，跑法主動入直路卒先透出，想過到佢談可容易！

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港