一帶一路鐵路、基建瓣數，已經彈升咗好幾日，中國機械（1829）上周五先開波，預測PE又比環球行家平咗一半，有得諗。
中國機械係祖國領先國際工程承包商，以電力能源呢瓣為主。又阿爺推一帶一路，唔少企業先諗點樣走出去，但中國機械承包工程已遍及全球50個地區。集團上年成功簽訂巴基斯坦塔爾煤電一體化項目。

券商睇好有權翻半番

呢壇製作兼獲准納入一帶一路的中巴經濟走廊項目。有晒走出去經驗，玩一帶一路，好有優勢！
大摩亦估計，中國機械今年下半年發力，令全年合約金額增近30%，到624億元人仔，係上年總營收230億元人仔過兩倍水位。
又場內專業評估，今、明兩年EPS 0.64同0.76元，明年EPS增長19%，特別醒神，預測PE得8.6倍，啲魅力湧晒出嚟。
環球同樣搞電力能源承包工程，上海電氣（2727）明年預測19倍PE、中國電建（601669）同法國嘅Vinci，同樣上到16倍PE，中國機械起碼平咗半。
中國機械7月跟中港股市大插，由4月高位11.4元到家陣，累跌43%，現價（6.53元）總市值269億元，係集團上年尾淨現金270億元水位！睇到這隻超級現金牛之餘，亦跌到有幾殘。以6間大，喺7月以嚟畀中國機械新鮮熱辣目標價，再拉平均，中國機械都講緊要翻半番到9.9元，到時集團先得13倍PE，未有耐追到上邊行家。

錢雋
細價股專家
本欄逢周一、三、五刊出