【《蘋果》專訪】選美有黑幕?出爐中國小姐冠軍:這個比賽非常公正,想像不到!
中國小姐
為「慶祝香港回歸祖國20周年」,2017中國小姐專登喺香港舉行,噚晚新鮮出爐,本地薑,來自香港嘅2號王曉敏,只係得第四,冠軍係代表上海嘅13號高銘璐。
選美多黑幕,最緊要就係講背景,有靠山,咁今屆好似康華嘅中國小姐冠軍高銘璐,又係咩來頭?佢話:「我是一個出身在海邊的北方姑娘,現在住在上海,在上海讀書,父母是做金融方面,爸爸主要負責運輸,我是大學生,主修表演。」
高銘璐自稱係冇簽任何公司,亦冇公司推薦,只係自己網上報名,但係選美經常都有黑幕,連佢都咁話:「其實在這個比賽之前,我還是覺得會有黑幕,但是現在覺得這個比賽非常公正,想像不到,可能是發生我身上,所以我比較相信。」
翻版康華高銘璐,真實年齡21歲,但係初見傳媒時,化妝出晒事,好似41歲咁「熟」,有時又似31歲嘅康華,今日訪問,穿著粉紅色貼身旗袍嘅佢,終於似番21歲,咁多變可能都有人懷疑佢事前會唔會整容,而佢係唔反對參加選美之前去整容:「我知道,每個女孩有進求美的權力,我沒有,但我會接受,因為年紀增長,女生老比較快,女生愛美,愛美是女生本性。」
亞軍就係只得17歲台灣代表1號周冷霓,年紀輕輕已經有兩次選美經驗,亦不諱言係有人推薦:「因為我模特兒老師是台灣賽區的總監,老師帶來,所以有機會參加開始冇想過得獎,因為我年紀很小。」
周冷霓17歲,依家台灣讀高三,高中未考完,不過,佢有計劃,準備考藝術大學,成日選美,咪無時間讀書囉!佢話:「自己私下把課本帶回家,叫同學傳課本傳給我,自己讀。」
通常亞軍都係覺得自己差少少可以拎冠軍,但係17歲嘅周冷霓,唔係咁諗,佢話:「她很有資格獲得冠軍,儀態很好,長得漂亮,人也很好,相處很好,她是姐姐,會帶著我,教我很多東西,我是開始舞,一開始不是跳得很好,她教我怎樣做很好,她是很有愛心。」
更多娛聞,喺晒《娛果》
http://fb.com/appledailyent
為「慶祝香港回歸祖國20周年」,2017中國小姐專登喺香港舉行。冠軍係粉紅色嗰個高銘璐。
今屆好似康華嘅中國小姐冠軍高銘璐:「我是一個出身在哈爾濱的北方姑娘,現在住在上海,在上海讀書,父母是做金融方面,爸爸主要負責運輸,我是大學生,主修表演。」
選美經常都有黑幕,連佢都咁話:「其實在這個比賽之前,我還是覺得會有黑幕,但是現在覺得這個比賽非常公正,想像不到,可能是發生我身上,所以我比較相信。」
亞軍就係只得17歲台灣代表1號周冷霓,年紀輕輕已經有兩次選美經驗。
(左起)第五名孫琬婷、亞軍周冷霓、冠軍高銘璐、季軍郝聘婷、殿軍香港代表王曉敏