由俞承豪同蔡秀彬主演嘅MBC韓劇《不是機器人啊》，噚晚播出第7及第8集，港劇迷可於Viu上同步觀看。

承接前日兩集，劇集講到本身有人類過敏症嘅企業家金敏圭(俞承豪飾)，以為趙智雅(蔡秀彬飾)係機械人，所以即使同佢有接觸都唔會有事，點知佢見到初戀惠利爾，初戀又唔知佢有過敏症，搞到俞承豪當場過敏症發作險死，幸危急關頭蔡秀彬臨危不亂為佢打針，最終成功救了俞承豪一命，令俞承豪對蔡秀彬呢個機械人嘅效能更加有信心。

俞承豪因為見返初戀令佢回憶起童年時父母死亡嘅往事，同時當年年紀輕輕嘅佢因為可以擁有父母遺產，更險些被好友嘅父親騙晒所有遺產，所以自此令佢唔再相信任何人，但慢慢地佢卻開始當蔡秀彬為好朋友，仲想同佢傾訴心事而去到設計機械人嘅洪白均(嚴基俊飾)嘅工作室搵蔡秀彬，而嚴基俊事實上係蔡秀彬嘅前男友。

嚴基俊因為經常同蔡秀彬接觸，令佢慢慢想返起以往拍拖時嘅點滴，並發現自己對蔡秀彬仍有好感。至於俞承豪亦將蔡秀彬視為唯一嘅好朋友，並向蔡秀彬分享父親點樣向母親求婚，所以將來佢亦會用同一條頸鏈求婚，蔡秀彬聽到俞承豪嘅經歷大感心痛，此時俞承豪亦向蔡秀彬話：「如果我嘅初戀同你一樣係機械人，我就能咁樣摸摸頭，仲能牽手，更加可以一齊去人多嘅地方，而且，還可以接吻。」此時俞承豪個頭越來越近蔡秀彬，唔通想咀嘴機械人？下集預告蔡秀彬就帶俞承豪出街，俞承豪仲離奇地冇發作。

更多韓流，喺晒《娛果》
http://fb.com/appledailyent